Narayan Rane | रत्नागिरी-सिंधुदुर्गचा उमेदवार ठरला; अखेर नारायण राणेंचं नाव जाहीर!

By azad desk On Apr 18, 2024

Narayan Rane | लोकसभा निवडणुकीच्या निमित्ताने राज्यातील राजकीय वातावरण ढवळून निघाले आहे. महायुती विरुद्ध महाविकास आघाडी तसेच वंचित बहुजन आघाडी अशी राज्यात लढत होत असून अनेक नाट्यमय घडामोडी घडत आहेत. रत्नागिरी-सिंधुदुर्ग मतदारसंघात महायुतीतून केंद्रीय मंत्री नारायण राणे (Narayan Rane ) यांना उमेदवारी मिळण्याच्या चर्चा होत्या. उमेदवारी जाहीर होण्यापूर्वीच या मतदारसंघात त्यांनी प्रचार सभांचा धडाका सुरु केलाय.

Maharashtra: BJP announces Union Minister Narayan Rane as its candidate from Ratnagiri Sindhudurg Lok Sabha seat.#LokSabhaElections2024 pic.twitter.com/coL2BbGCOo

— ANI (@ANI) April 18, 2024

अखेर या जागेचा तिढा सुटला असून हा मतदारसंघ भाजपच्या (BJP) पारड्यात पडला आहे. अखेर या जागेवर नारायण राणेंचं नाव जाहीर झालं आहे. त्यामुळे आता रत्नागिरी-सिंधुदुर्ग मतदारसंघात महाविकास आघाडीचे उमेदवार विनायक राऊत आणि नारायण राणे यांच्यात दुरंगी लढत पाहायला मिळेल.

रत्नागिरी -सिंधुदुर्ग मतदारसंघात २०१९ मध्ये विनायक राऊत आणि डॉ.नीलेश राणे यांच्यामध्ये लढत झाली होती. राऊत यांनी शिवसेना -भाजप युतीकडून लढविली होती तर राणे यांनी स्वाभिमान पक्षातून उभे होते. या लढतीत राऊत यांनी बाजी मारली होती.