निमंत्रण असूनही अयोध्येला न जाणाऱ्या उद्धव ठाकरेंबाबत अमृता फडणवीस म्हणाल्या, त्यांना …
Amruta Fadanvis – प्रभू श्रीरामांच्या प्राणप्रतिष्ठा सोहळ्यानंतर, अयोध्येतील श्रीरामजन्मभूमी मंदिर आजपासून सर्वांसाठी खुले झालं आहे. काल केवळ निमंत्रित साधू, संत आणि मान्यवर व्यक्तींनाच दर्शन घेण्याची परवानगी होती. गेल्या अनेक दिवसांपासून जगभरातील हजारो साधू, संत आणि भक्तांच्या उपस्थितीने संपूर्ण अयोध्या भक्तिरसाने दुमदुमत होती.
दरम्यान, या सोहळ्याचा उत्साह संपूर्ण भरतात पाहायला मिळाला. मात्र यात सध्या चर्चा होतेय ती माजी मुख्यमंत्री उद्धव ठाकते यांच्याबाबत गायिका अमृता फडणवीस यांच्या वक्तव्याची. उद्धव ठाकरे यांना निमंत्रण असतानाही राम मंदिराच्या सोहळ्याला हजेरी लावली नाही. उद्धव ठाकरे यांनी नाशिकच्या काळाराम मंदिरात जाऊन सहकुटुंब दर्शन घेतले. तसेच त्यांनी गोदातीरी आरती देखील केली. यावर अमृता फडणवीसांनी प्रतिक्रिया दिली आहे. त्यांनी म्हटलं की, मी उद्धव ठाकरेंना (Uddhav Thackeray)फॉलो करत नाही, त्यांचं काय चालू आहे, तेच मला कळत नाहीये. असं त्या म्हणाल्या.
रामललाची प्राणप्रतिष्ठापना झाल्यानंतर अमृता फडणवीस या जेव्हा माध्यमांना प्रतिक्रिया देत होत्या, तेव्हा त्यांना गाण्याची विनंती करण्यात आली. त्यावेळी अमृता फडणवीस यांनी आज गाणार नसल्याचं म्हणत त्याचे कारणही सांगितले. दरम्यान राम मंदिराच्या (Ram Mandir) लोकार्पण सोहळ्यावर देखील अमृता फडणवीस यांनी प्रतिक्रिया दिली. आजचा दिवस सुंदर होता, सगळ्यांची इच्छा पूर्ण झालीये. आज रामलल्ला विराजमान झालेत. त्यामुळे मन मोठं ठेवून आजच्या दिवसाचा जल्लोष करा, अशी प्रतिक्रिया अमृता फडणवीस यांनी दिली.
महत्वाच्या बातम्या-
Ram Mandir Ayodhya : संपूर्ण पुणे शहर बनले राममय; धार्मिक, सांस्कृतिक, सामाजिक उपक्रमांचं आयोजन
Ram Mandir Ayodhya : रामाने रावणाचा नि:पात करण्याचा निश्चय केला त्या मंदिरात मोदींनी केली महापूजा
Santosh Shelar | माओवाद्यांशी संबंधित पुण्यातील बेपत्ता संतोष शेलार परतला; रुग्णालयात दाखल