Vasant More | रवींद्र धंगेकर आमदार होऊनही कसब्यात विकासकामे झाली नाहीत
Vasant More | पुणे लोकसभा मतदारसंघात महायुतीचे उमेदवार मुरलीधर मोहोळ, महाविकास आघाडीचे उमेदवार रवींद्र धंगेकर आणि वंचित बहुजन आघाडीचे उमेदवार वसंत मोरे यांच्यात तिरंगी लढत होणार असल्याचे जवळपास निश्चित झाले आहे. हे तिन्ही उमेदवार जोरदार प्रचारही करत आहेत. या प्रचारा दरम्यान वसंत मोरे (Vasant Mor) यांनी धंगेकरांना टोला मारला आहे.
धंगेकरांच्या कसब्यातील कामाबद्दल बोलताना वसंत मोरे म्हणाले, मी गेल्या १५ वर्षांपासून नगरसेवक म्हणून काम करतोय, शिवाय या शहराचा नगराध्यक्ष राहिलोय, विरोधी पक्षनेता राहिलोय, स्टँडिग कमिटी २ वर्षे चालवलीय. त्यामुळे मी शहराच्या भूमिकेवर काम केले आहे, ना की एकाच मतदारसंघाच्या भूमीकेवर काम केलं. कसब्यात वाडा संस्कृती जास्त प्रमाणात आहे. पण मला नाही वाटत मी तिकडे गार्डन पाहिलं, दवाखाना पाहिला, ज्या गोष्टी मी माझ्या भागात पाहिल्यात. शाळा, अभ्यासिका, गार्डन, दवाखाना मी निर्माण केला आहे. पण कसब्यात या गोष्टी झालेल्या नाहीत, असे म्हणत वसंत मोरेंनी अप्रत्यक्षपणे कसब्यात विकासकामे झाली नसल्याचे म्हटले.
आपल्या भागातील बातम्या जाणून घेण्यासाठी जॉइन करा आझाद मराठीचा’चा व्हॉट्सअॅप ग्रुप
महत्वाच्या बातम्या :